التوكتوك

التوكتوك ده بقى حته اختراع زيه

زى الفريد نوبل لما اخترع القنبله الراجل كان بيخترعها

عشان يفيد البشريه بس زى ما بيقولوا

تاتى الرياح بما لا تشتهى السفن قلبت بحروب

ودم وسلاح وقلبت بغم خالص

وبعدها تطورت بقت قنبله نوويه وذريه

وهيدروجينيه وحاجات تنسف العالم كله فى دقايق

اهو التوكتوك ده كده

الراجل اللى اخترعه كان عايز يخدم بقلب جامد

بس احنا بقى جبنا لكل مواطن توكتوك يبقى تحت امرة

لدرجه ان التكاتك بقت اكتر من الناس اللى بتركبها

حاجه غريبه

انا بقى فكرت اعمل لعبه اسميها (حرب التكاتك) او

حرب الكواكب سابقا

وهى انى انزل الشارع معايا اسلحه كتيييير

واقعد اضرب فى التكاتك وافرقع فيهم

لانهم بصراحه انا متغاظ منهم

رايكوا ايه فى موضوع التكاتك ده؟؟؟

واصلا عندكوا تكاتك ولا لا؟؟؟